«Алматы облысы білім басқармасының Панфилов ауданы бойынша білім бөлімі» ММ «Еңбекші орта мектеп мектепке дейінгі шағын орталығымен» КММ-де кешенді тестілеу жүргізілуде

Мемлекеттік аттестаттау шеңберінде «Алматы облысы білім басқармасының Панфилов ауданы бойынша білім бөлімі» ММ «Еңбекші орта мектеп мектепке дейінгі шағын орталығымен» КММ-де кешенді тестілеу жүргізілуде. Бүгінгі күні тестілеуге 4, 9, 11 сыныптың 63 оқушысы қатысты. Білім алушылардың тестілеуге қатысуының жалпы пайызы 94% құрады Тестілік бақылау Алматы облысының білім саласында сапаны қамтамасыз ету департаменті қызметкерлерінің қатысуымен жүргізілді.

Алматы облысының Білім саласында сапаны қамтамасыз ету департаментінің қызметкерлері Талдықорған жоғары политехникалық колледжінің басшылығы ұйымдастырған семинарға қатысты

Семинар тақырыбы: «Академиялық еркіндік кезіндегі білім беру бағдарламаларының тәжірибеге бағытталған бағыты. Маңыздылығы мен ерекшеліктері». Физика-математика ғылымдарының кандидаты, колледж директоры Мукажанов Ерқат Биғалиұлы колледждің материалдық-техникалық базасымен таныстырды. 1935 жылы негізі қаланған колледжде екі оқу корпусы, студенттерге  қолайлы жағдай жасалған заманауи жатақхана, жаңа жабдықтармен жабдықталған 10 зертхана мен 19 шеберхана, 150 орындық асхана және т. б. бар.

Колледж кәсіптік стандарттар негізінде әзірленген білім беру бағдарламаларымен қамтамасыз етілген 14 мамандық бойынша мамандар даярлайды. Жұмыс берушілермен бірлесіп қысқа мерзімді қайта даярлау және біліктілікті арттыру курстарына арналған 6 модульдік оқу бағдарламасы, WorldSkills талаптары (стандарттары) бойынша 41 оқу бағдарламасы әзірленген. Оқу үрдісінде дуалды, модульдік және кредиттік оқыту технологиялары қолданылады.

Семинар ұйымдастырушылары білім беру бағдарламаларын әзірлеу, базалық модульдердің мазмұны мен көлемін айқындау, студенттердің білімін бақылау нысандары, ТжКБ саласындағы нормативтік-құқықтық актілер және басқа да мәселелерге тоқталды. Мамандардың білім сапасының көрсеткіштерінің бірі-олардың еңбек нарығында қажеттілігі. Колледж түлектерінің жұмысқа орналасу пайызы 82%-дан 93% – ға дейін жоғары болып қалатыны қуантады. Колледждің педагогикалық ұжымына алдағы уақытта да жұмыста табыс тілейміз!

Бүгін Алматы облысының «Жетісу Медиа» өңірлік коммуникациялар қызметінің ақпараттық алаңында департамент басшысы С.Н.Кабимолдаева «Оқу жылын аяқтаудың және педагогтердің құқықтарын қорғаудың кейбір мәселелері туралы» тақырыбында брифинг өткізді

Оқу жылының аяқталуы қарсаңында мектеп бітіру іс-шараларын ұйымдастыру өзекті мәселе болып қала береді. Мектеп бітіру іс-шаралары мектеп қабырғасында және аумағында өтеді. Педагогтерге сыйлықтар үшін ақшалай қаражат жинауға, мерекелік дастархан ұйымдастыруға және т.б. қатаң тыйым салынады.

Педагогтердің құқықтарын сақтау және қорғау мәселесі өткір мәселелердің бірі болып қала береді. Облыс педагогтері департаменттің «Педагог мәртебесі туралы» ҚР Заңы талаптарының сақталуын бақылау қызметін белсенді пайдаланады. Департамент жанынан консультативтік-кеңесші орган (ККО) құрылған. ККО ұсынысы бойынша мектеп директорлары мен балабақша меңгерушісі қызметінен босатылды. 2 мектеп директоры және 1 балабақша меңгерушісі әкімшілік жауапкершілікке тартылды.

Департаментке педагогтер мен ата-аналардан өтініштер келіп түседі. Егер 2021 жылы 225 өтініш келіп түссе, ағымдағы жылдың бірінші тоқсанында 60 өтініш келіп түсті, олардың көпшілігі педагогтердің құқықтарын бұзу, мектеп басшыларының педагогикалық этиканы бұзуы, педагогтерді өзіне тән емес функцияларға тарту фактілеріне қатысты болды. Үш айда 12 жоспардан тыс тексеру жүргізіліп, тәртіптік жазалау шаралары қабылданды. Жоспардан тыс тексерулерді талдау, өтініштердің көбеюінің себебі ұйымдар мен білім беру органдары әкімшіліктерінің ата-аналармен, қоғам өкілдерімен, сондай-ақ ұжым ішіндегі мұғалімдер арасында сындарлы диалог орната алмауында екенін көрсетеді.

Мектеп өмірінің қазіргі сәтінің тағы бір ерекшелігі шағымдарға «мамандандырылған» мұғалімдердің пайда болуы болды. Мұндай педагогтердің әлеуметтік желілерде белсенді болуы, олардың құзыретті органдарға жолдауларын әзірлеуі өз сабақтарына дайындалуға, өз бетінше білім алуға, тәрбие жұмысына, ата-аналармен және әріптестермен кәсіби қарым-қатынасқа бөлетін уақыттарына үлкен әсерін тигізеді. Осының барлығы нәтижесінде біздің оқушыларымыздың білім сапасына әсер етеді.

Білім беру саласындағы заңнаманың орындалуын қамтамасыз ету, педагог мәртебесін сақтау жөніндегі жұмыс жалғастырылатын болады.

2022 жылдың 18 сәуірінде Алматы облысында білім алушылардың білім жетістіктеріне мониторинг жүргізу басталды

Бастауыш және негізгі орта білім беру ұйымдарында ББЖМ Заңның 55-бабының 4-тармағына сәйкес 4 және 9-сынып білім алушыларының арасында жүргізіледі.
ББЖМ 4-сыныптарда кешенді тестілеу нысанында ақпараттық-коммуникациялық технологияларды (бұдан әрі – АКТ) қолдана отырып, оқыту тілінде үш бағыт (оқу сауаттылығы, математикалық сауаттылық, жаратылыстану-ғылыми сауаттылық) бойынша жүргізіледі.
ББЖМ 9-сыныптарда кешенді тестілеу нысанында АКТ қолдана отырып, оқыту тілінде екі бағыт (математикалық сауаттылық, жаратылыстану-ғылыми сауаттылық) бойынша, үш тілде (орыс, қазақ және ағылшын) бір бағыт (оқу сауаттылығы) бойынша жүргізіледі.
Тестілеу тапсырмаларының санын, мазмұны мен нысанын, сондай-ақ тестілеуге бөлінетін сағат санын МЖБС-ға сәйкес тест спецификациясы айқындайды.

Алматы облысының білім саласында сапаны қамтамасыз ету департаменті қызметкерлері Алматы облысының жұмыспен қамтуды үйлестіру және әлеуметтік бағдарламалар басқармасының Алматы облысына шетелдік жұмыс күшін тартуға арналған рұқсатты беру жөніндегі комиссия отырысына қатысты

2022 жылдың 25 наурызында Алматы облысының білім саласында сапаны қамтамасыз ету департаменті қызметкерлері Алматы облысының жұмыспен қамтуды үйлестіру және әлеуметтік бағдарламалар басқармасының Алматы облысына шетелдік жұмыс күшін тартуға арналған рұқсатты беру жөніндегі комиссия отырысына қатысты.

Алматы облысының білім саласындағы сапаны қамтамасыз ету Департаментінің Әдеп жөніндегі уәкілі А.Құлахметова аппарат қызметкерлерімен түсіндіру жұмыстарын жүргізді

Алматы облысының білім саласындағы сапаны қамтамасыз ету Департаментінің Әдеп жөніндегі уәкілі А.Құлахметова Мемлекет басшысының 2022 жылғы 22 ақпандағы № 814 “Қазақстан Республикасы Президентінің кейбір жарлықтарына өзгерістер мен толықтырулар енгізу туралы” Жарлығына және Әдеп жөніндегі кеңестер туралы ережеге бірқатар өзгерістер мен толықтырулар енгізілуіне байланысты аппарат қызметкерлерімен түсіндіру жұмыстарын жүргізді.

Алматы облысының білім саласындағы сапаны қамтамасыз ету Департаментінің Әдеп жөніндегі уәкілі А.Құлахметова Мемлекет басшысының 2022 жылғы 22 ақпандағы № 814 “Қазақстан Республикасы Президентінің кейбір жарлықтарына өзгерістер мен толықтырулар енгізу туралы” Жарлығына және Әдеп жөніндегі кеңестер туралы ережеге бірқатар өзгерістер мен толықтырулар енгізілуіне байланысты аппарат қызметкерлерімен түсіндіру жұмыстарын жүргізді.

Өзгерістерге сәйкес қызметтік тергеп-тексеруді тағайындау және жүргізу, тәртіптік комиссияның материалдарды қарау, тәртіптік жаза қолдану тәртібі және т.б. нақтыланды, тәртіптік комиссияның отырыстарын онлайн өткізу, сондай-ақ төтенше жағдайлар кезінде қызметтік тергеп-тексеру жүргізу мерзімдерін тоқтата тұру мүмкіндігі көзделген. Осы Жарлықпен мемлекеттік қызметшілердің жаңа редакциядағы әдеп кодексі бекітілді. Кодексте мемлекеттік қызметшілердің моральдық-адамгершілік қасиеттеріне негізделген, ең алдымен, өзара қарым-қатынастың жоғары мәдениетін қалыптастыруға және мемлекеттік қызметте парасаттылық атмосферасын құруға бағдарланған қызметтік әдеп стандарттары көзделген.

Алматы облысының білім саласында сапаны қамтамасыз ету департаментінде ҚР БҒМ білім және ғылым саласында сапасын қамтамасыз ету комитетінің мониторингтік тобы жұмыс жүргізуде

2022 жылдың 21 ақпанынан бастап Алматы облысының білім саласында сапаны қамтамасыз ету департаментінде Қазақстан Республикасы Білім және ғылым министрлігі білім және ғылым саласында сапасын қамтамасыз ету комитетінің мониторингтік тобы жұмыс жүргізуде.

Зерделеу объектілері ҚР ӘРПК сәйкес Департаменттің қызметі, мемлекеттік бақылау шараларын орындау кезінде ҚР заңнамасының талаптарын сақтау және т.б. болып табылады, Департаменттің қызметін үйлестіру мақсатында мониторингтік топ әдістемелік көмекпен қамтамасыз етеді.

«Өзін-өзі тану» пәні туралы

Білім және ғылым министрлігіне бұл пәнді білім бағдарламалары тізімінен шығару туралы ұсыныстар келіп түсіп жатқаны рас.

Қазіргі уақытта ҚР БҒМ Ұлттық білім академиясы аталған міндетті пәнді мектептерде келесі оқу жылынан бастап факультативтік санатқа ауыстыру бойынша жоба енгізді. Яғни, қыркүйектен бастап «Өзін-өзі тану» пәнін бұрынғыдай 1-11 сыныптар емес, тек бір сыныпта ғана оқушылардың таңдауы бойынша оқыту жоспарланып жатыр.
Пәнді факультативтік тізбеге ауыстыру бойынша жұмыс оқу бағдарламаларын жаңарту және білім алушылардың оқу жүктемесін азайту жөніндегі шаралар шеңберінде жүргізілетін болады.

@bilim_jane_gylym

Алматы облысының білім саласында сапаны қамтамасыз ету департаменті басшысының орынбасары А.С.Құлахметова Талдықорған агро-техникалық колледжінде өткізілген Қамқоршылық кеңес отырысына байқаушы ретінде қатысты

2022 жылдың 17 ақпанында Алматы облысының білім саласында сапаны қамтамасыз ету департаменті басшысының орынбасары А.С.Құлахметова Талдықорған агро-техникалық колледжінде өткізілген Қамқоршылық кеңес отырысына байқаушы ретінде қатысты.

Колледж директорының бос лауазымына кандидатура қарастырылды. А.Махметова “Талдықорған агро-техникалық колледжінің 2022-2027 жылдарға арналған даму Стратегиясын” жүзеге асыру бойынша жұмыс жоспарының жобасын ұсынды және қорғады. Отырыс қорытындысы бойынша Қамқоршылық кеңес мүшелері А. Махметованың кандидатурасын бірауыздан қолдады.

Мониторинг аясында ҚР БҒМ Білім және ғылым саласында сапаны қамтамасыз ету комитеті төрағасының орынбасары М.Т. Мелдебекова Талдықорған қаласындағы Оқушылар сарайында болды.

 

Оқушылар сарайында ғылыми – техникалық бағытты дамыту мақсатында робототехника, 3D модельдеу, бағдарламалау үйірмелері жұмыс істейтін «ТECHNOPAPK» бар. STEM Aсademia компаниясымен платформа базасында онлайн-режимде оқыту жүргізіледі (3 педагог оқытылған). Балаларды қамту 207 оқушыны құрайды. Сынып қажетті базалық және ресурстық жиынтықтармен жабдықталған.

“Роботехника” үйірмесінің тәрбиеленушілері түрлі конкурстарға қатысып, жүлделі орындарға ие болды, оның ішінде Венгрияның Дьер қаласында өткен «World Robot Olimpiad» халықаралық онлайн олимпиадасында 2 орын алды