Бүгін «І.Жансүгіров атындағы Жетісу университеті» КЕАҚ Директорлар кеңесі жанындағы Стратегиялық жоспарлау комитетінің отырысына қатысты. Университеттің 2021-2025 жылдарға арналған даму жоспары мен бағдарламасына корпоративтік атқарушы басқару органдарында әйелдердің үлесін арттыру бөлігінде толықтырулар енгізу туралы мәселелер талқыланды.

Ел басына түскен сынақты қайыспай біртұтас ел болып еңсере білдік. Қаңтар оқиғаларының құрбандары жайлы ащы шындық жария етілді. Халық шындықты білу керек!

Тәртіпсіздік кезінде қайтыс болғандардың туыстары мен жақындарына қайғыра көңіл айтамыз. Жандары жәннатта болсын.

Береке-бірлікті, тыныштық пен тұрақтылықты сақтауымыз қажет. Еліміз аман, жұртымыз тыныш болсын!

Бүгін «Жетісу – адалдық алаңы» жобалық кеңсесінің жетекшісі

Бүгін «Жетісу – адалдық алаңы» жобалық кеңсесінің жетекшісі, «Нұр Отан» партиясы Талдықорған филиалы төрағасының бірінші орынбасары, Талдықорған қалалық мәслихатының депутаты Жазықбаев Аманжол Тоқтарұлымен кездесу өтті.

Білім беру ұйымдарында жемқорлыққа жол бермеу мақсатында оқушылар мен педагогтер арасында академиялық адалдық мәдениетін, сыбайлас жемқорлыққа қарсы заңнаманы түсіндіру бойынша бірлескен ынтымақтастық мәселелері талқыланды.

2021 жылдың қыркүйек айынан 8 (5 мемлекеттік, 3 жеке меншік) мектепке дейінгі тәрбие мен оқытудың жалпы білім беретін оқу бағдарламаларын іске асыратын білім беру ұйымдарына мемлекеттік аттестаттау жүргізді

Алматы облысының білім саласында сапаны қамтамасыз ету департаменті 2021 жылдың қыркүйек айынан 8 (5 мемлекеттік, 3 жеке меншік) мектепке дейінгі тәрбие мен оқытудың жалпы білім беретін оқу бағдарламаларын іске асыратын білім беру ұйымдарына мемлекеттік аттестаттау жүргізді. Барлық білім беру ұйымының қызметі Қазақстан Республикасының мемлекеттік жалпыға міндетті білім беру стандартының талаптарына сәйкес емес. Мемлекеттік аттестаттау қорытындысы бойынша 8 балабақша аттестатталмады.

Қазақстандық білім: сандарды сөйлетсек

Қазақстандық білім: сандарды сөйлетсек

2021 жылы қазақстандық оқушылар өткен жылдардың рекордын жаңартып, әлемдік олимпиадаларда 26 медаль жеңіп алды.

2 алтын медаль: математика (1), география (1)

13 күміс медаль: физика (5), математика (3), химия (3), биология (1), география (1)

11 қола медаль: информатика (4), математика (2), биология (2), лингвистика (1), химия (1), география (1).

 

Естеріңізге сала кетсек, халықаралық зияткерлік олимпиадаларға қатысушыларды ынталандыру және қолдау мақсатында алтын медаль иегерлеріне 1500 АЕК, күміс – 1000 АЕК, қола – 500 АЕК көлемінде сыйақы тағайындау жоспарланып отыр.

 

Консультативтік-кеңесші органның (ККО) кезекті отырысы өтті

Желтоқсан айында Алматы облысының білім саласындағы сапаны қамтамасыз ету департаменті жанындағы консультативтік-кеңесші органның (ККО) кезекті отырысы өтті. Еңбекшіқазақ ауданының білім беру ұйымдарындағы әдеп жөніндегі кеңестердің жұмысы туралы аудандық білім беру бөлімінің басшысы Б.М. Аманованың есебі тыңдалды.

Департаментке Еңбекшіқазақ ауданы А.Молдағұлова атындағы орта мектеп және Қызғалдақ” балабақшасы педагогтерінен аталған білім беру ұйымдары басшыларының заңсыз әрекеттеріне өтініштер түсті.

Қарау қорытындысы бойынша ККО мүшелерімен бірауыздан Еңбекшіқазақ ауданы бойынша білім басқармасы мен білім бөліміне

Ә. Молдағұлова атындағы орта мектеп директоры Ж.Байсеноваға және «Қызғалдақ» балабақшасының меңгерушісі К.Қартайғанова қатысты шаралар қабылдауды ұсыну туралы шешім қабылданды.

«Jetisy Media» ақпараттық алаңында облыстың бұқаралық ақпарат құралдары үшін «Педагогикалық этика және педагогтердің құқықтарын қорғау мәселелері бойынша жұртшылықпен өзара іс-қимыл» тақырыбында брифинг өткіздім.

Департаменттің консультативтік-кеңесші органының жұмысы педагогтердің құқықтарын қорғаудың пәрменді нысаны болып табылады.

Проблемаларды шешудегі жеделдікке келетін болсақ, азаматтардың өтініштеріне дереу ден қою азаматтарды көшпелі қабылдау кезінде дамыды. Қабылдаулар халықтың құқықтық сауаттылығын арттыруға ықпал етеді, бұл өз кезегінде әлеуметтік шиеленісті азайтады, өйткені келушілер дереу туындаған мәселе бойынша білікті түсініктеме алатынын айта кету керек.

Департаменттің әлеуметтік желілер арқылы азаматтармен өзара іс-қимылы барған сайын дамып келеді. Тек 2021 жылы Департамент тарапынан әлеуметтік facebook, Instagram, telegram желілерінде 3792 пост жарияланды, оның ішінде басшының беттерінде – 1792 пост жарияланды.

Облыстың газеттерінде Департаменттің жұмысы туралы 70-тен астам мақала жарияланды. Алдыңғы брифингтер бойынша БАҚ-тың 60 жарияланымы көлемінде медиалық резонанс алынды

Қараша айында облыс аудандары бойынша «марафон» аяқталды – әр ауданның мектеп директорлары және балабақша меңгерушілерімен кездесулер циклі.

Күн тәртібінде әрбір педагогті толғандыратын өзекті тақырыптар: білім беру ұйымдарындағы мемлекеттік аттестаттаудың жаңа форматы, оқушылардың қауіпсіздігі, басшылардың «Педагог мәртебесі туралы» ҚР Заңының нормаларын сақтауы, білім беру ұйымдарында қолайлы моральдық-психологиялық ахуал қалыптастыру және т. б. мәселелер қаралады.

Жыл басынан бері біздің әлеуметтік желілер арқылы жүгінген 83 респондент (педагогтер, ата-аналар) комментариилар мен түсініктемелер ғана емес, этикалық нормаларды бұзу, санаттар беру, жұмыс жағдайларын қамтамасыз ету мәселелерінің нақты шешімдерін алды. Қазақстан Республикасы Білім және ғылым министрлігінің «жедел желісіне» 35 өтініш бойынша нақты шаралар қабылданды.

ЖАО-ның департамент ұсынымдарын қолдау жөніндегі жұмысын ерекше атап өткім келеді, бұл педагогтерді материалдық қамтамасыз ету, олардың жеке дамуы мәселелерін шешуге, түйісу нүктелерін табуға және жанжалды жағдайларды болдырмауға, Заңның талаптарын ұстануға мүмкіндік береді.

ҚАЗАҚСТАНДА ҚАЗАҚ ТІЛІ МЕН ҚАЗАҚ ӘДЕБИЕТІ ПӘНДЕРІ МҰҒАЛІМДЕРІНІҢ СЪЕЗІ ӨТТІ

Қазақстанда қазақ тілі мен қазақ әдебиеті пәндері мұғалімдерінің съезі өтті. Іс-шараға Білім және ғылым министрі Асхат Аймағамбетов, еліміздің барлық өңірінен келген педагогтер, лингвист-ғалымдар, сондай-ақ жоғары оқу орындарының оқытушылары мен ректорлары қатысты.

Съезге қатысушылар тәжірибелерімен бөлісіп, қазақ тілі мен әдебиетін оқыту сапасын арттыру, қашықтан оқытуға байланысты білімдегі олқылықтардың орнын толтыру мәселелерін талқылады.

Педагогтер қазақ тілін оқыту сапасын арттыру және пән бойынша үлгілік оқу бағдарламасын жетілдіру туралы ойларымен бөлісті. Олар сондай-ақ қазақ тілі мен қазақ әдебиетін оқытудағы жаңа тәсілдерді қарастырудың маңыздылығын атап өтті.

Сонымен қатар съезде елімізде негізгі пәндер бойынша Республикалық педагогтер қауымдастығы құрылатыны туралы хабарланды. Мұғалімдер қауымдастығы өзекті мәселелерді талқылау алаңына айналады. Осылайша, алғашқылардың бірі болып қазақ тілі мен қазақ әдебиеті мұғалімдерінің қауымдастығы құрылды. Қауымдастықтың бөлімшелері еліміздің әрбір ауданында, қала мен барлық өңірде жұмыс істейтін болады.

«Бүгін біз маңызды мәселені көтеріп, қазақ тілі мен қазақ әдебиетін оқыту сапасын ашық талқылап отырмыз. Егер бұл мәселелерді шешу жолдарын іздемесек, біз одан әрі дамымаймыз. Бұл қазақ тілі мен әдебиеті пәндері бойынша оқулықтардың мазмұны, оқу бағдарламалары және жоғары оқу орындарында мамандар даярлау мәселелері. Өзекті сұрақтарды талқылау және шешу, сонымен бірге пәндерді оқыту сапасын арттыру өте маңызды. Әрбір пәннің орны ерекше: математика, физика, химия, ағылшын тілі, дене шынықтыру және басқа да пәндер маңызды болып табылады.Сондықтан мұндай съездер дәстүрлі түрде ұйымдастырылып, аталған форумдар мектеп қабырғасында оқытылатын басқа да пәндер бойынша өткізіледі», – деді Білім және ғылым министрі Асхат Аймағамбетов.

Орыс тілі мен әдебиеті пәндері мұғалімдерінің съезі келесі аптаға жоспарланған. Естеріңізге сала кетейік, бұған дейін Мемлекет басшысы «Ұлттық рухани жаңғыру» жобасы аясында мемлекеттік тілді одан әрі дамыту міндетін қойған болатын. Атап айтқанда, оқу бағдарламаларын жаңарту, оқу және көркем әдебиетке қолжетімділікті қамтамасыз ету.

Қазақстандық студенттер халықаралық байқаудың финалына өтті

М.С. Нәрікбаев атындағы КАЗГЮУ университеті студенттерінің командасы «ЕАЭО-дағы дауларды шешу-2022» халықаралық байқауының финалына өтті. Екі кезеңнің қорытындысы бойынша қазақстандық студенттер Ресей, Беларусь, Өзбекстан, Армения, Қырғызстан жоғары оқу орындарының арасында бірінші орынға шықты.

Финалға шығу үшін КАЗГЮУ университеті командасы ауызша өткен раундтарда «Экономика Жоғары Мектебі» Ұлттық зерттеу университетінің (Ресей) командасымен жарысып, жеңіске жетті. Екінші финалист ретінде Ресей халық шаруашылығы және мемлекеттік қызмет академиясының (Ресей) командасы танылды.

КАЗГЮУ университеті командасының құрамында Алуа Садуова, Әділ Фазылжан, Диана Бектібаева, Жанель Байқонырова бар. Ал, студенттерді дайындаған Assistant professor, М.С. Нәрікбаев атындағы КАЗГЮУ университеті Құқық жоғары мектебінің «Халықаралық құқық» білім беру бағдарламасының жетекшісі Абай Абылайұлы

КАЗГЮУ университеті командасына конкурстың финалында жеңіс тілейміз!

Департамент басшысы С.Н. Кабимолдаева І. Жансүгіров атындағы “Жетісу университеті” КЕАҚ директорлар кеңесінің кезекті отырысына қатысты

Департамент басшысы С.Н. Кабимолдаева І. Жансүгіров атындағы “Жетісу университеті” КЕАҚ директорлар кеңесінің кезекті отырысына қатысты. Университеттің 2020-2024 жылдарға арналған даму жоспары мен  2021-2025 жылдарға арналған даму бағдарламасы бекітілді. Сонымен қатар басқа да мәселелер қаралды.