Қазақстан Республикасының Бас мемлекеттік санитариялық дәрігері Ерлан Қиясов 2021 жылғы 25 наурыздағы карантиндік шектеу іс-шаралары және кезеңмен жеңілдетуді енгізу туралы қаулыға өзгерістер енгізді.

Қазақстан Республикасының Бас мемлекеттік санитариялық дәрігері Ерлан Қиясов 2021 жылғы 25 наурыздағы карантиндік шектеу іс-шаралары және кезеңмен жеңілдетуді енгізу туралы қаулыға өзгерістер енгізді.

Өзгеріс енгізілген құжатқа байланысты 2020-2021 оқу жылының 4 тоқсанында  оқушыларға рұқсат етіледі:

Республиканың барлық өңірлерінде: контингенті 300 оқушыға дейін мектептерде балалар дәстүрлі форматта оқиды, сыныпта балалар санын 25-тен асырмау қажет;
сабақтан тыс уақытта 15 адамнан аспайтын топтарда оқушыларды жеке оқытуға болады.

Жасыл және сары аймақтарда: барлық сыныптардың оқушылары аралас форматта оқиды, сыныпта балалар санын 25-тен асырмау қажет.

Қызыл аймақта: мектепалды даярлық, 1-5 сыныптардың (халықаралық мектептерде 1-7 сыныптардың) оқушылары аралас форматта оқиды, сыныпта балалар санын 25-тен асырмау қажет, 9, 11 (12) сыныптар үшін аптаның 6 күні ішінде аралас форматта оқиды,сыныпта балалар санын 15-тен асырмау қажет.

Сонымен, білім алушылар білім беру ұйымдарының ғимаратына кірген және шыққан кезде:

– медицина қызметкерлері барлық қызметкерлер мен білім алушыларға күнделікті таңертеңгі сүзгіні (жанаспайтын термометрмен термометрия, ғимаратқа кіреберісте қолды антисептикпен өңдеу) жүргізеді;

– мектепте жүріп-тұру, оның ішінде баспалдақпен көтерілу «бір жақты қозғалыс» қағидасы бойынша арнайы көрсеткіштермен таңбаланады, кезекте қашықтықты қамтамасыз ету үшін кіреберіс алдында асфальтқа таңба қойылады;

– оқушылардың, персоналдың қолдарын өңдеуге арналған тері антисептигі бар санитайзерлер әр қабатта, әр сыныптың (аудитория, кабинет) жанында, санитариялық тораптарда және лас маскаларға арналған таңбаланған сыйымдылықтарда орнатылады;

– оқушылар мен қызметкерлерге арналған санитариялық тораптарда дозаторларда сабынның, дозаторларда қолға арналған дезинфекциялық құралдардың болуы, қол жуу қағидалары бар плакаттардың болуы қамтамасыз етіледі.

Сабақ режимі және жұмыс орнын ұйымдастыру мынадай талаптарға сәйкес  жүргізіледі:

  • сабақ кестесі оқытудың аралас форматын есепке ала отырып, білім беру ұйымының оқу жылына арналған жұмысшы оқу жоспарына сәйкес жасалады;
  • оқушыларға сабақ уақытында сыныптарда маска кимеуіне рұқсат етіледі;

– кабинеттік жүйе болмайды;

–  үй-жайларды толтырудың жобалық қуаты сақталады;

– дене шынықтыру сабақтарын жылы уақытта (атмосфералық ауа температурасы -18 °С аспайтын кезде) таза ауада ұйымдастыру немесе спорт залдарын үнемі желдету қамтамасыз етіледі.

Толығырақ ҚР Денсаулық сақтау министрлігінің Санитарлық – эпидемиологиялық бақылау комитетінің ресми сайтынан оқи аласыздар.

Ағымдағы жылдың 18 наурызында Алматы облысының БССҚД басшысы Қабимолдаева С.Н. облыс әкімінің бірінші орынбасары Л.М.Турлашевтың төрағалығымен өткен жиынға қатысты

            Ағымдағы жылдың 18 наурызында Алматы облысының БССҚД басшысы Қабимолдаева С.Н. облыс әкімінің бірінші орынбасары Л.М.Турлашевтың төрағалығымен апатты және үш ауысымды мектептер проблемалары, оқушылар орындарының жетіспеушілігі бойынша Қазақстан Республикасы Білім және ғылым министрлігінің мониторинг тобы өкілдерінің қатысуымен өткен жиынға қатысты.Кездесу барысында осы мәселені шешудің нақты жолдары пысықталды. Алматы облысында 2021-2025 жылдар аралығында 85 жаңа мектеп салынады.

Бүгін Алматы облысының БССҚД басшысы Қабимолдаева Сәуле Нұраханқызы Алматы облысы Қоғамдық палатасының төрағасы Айшымбаев Нұрлан Құдайбергенұлымен кездесті

Бүгін Алматы облысының БССҚД басшысы Қабимолдаева Сәуле Нұраханқызы Алматы облысы Қоғамдық палатасының төрағасы Айшымбаев Нұрлан Құдайбергенұлымен кездесті. Кездесу барысында білім беру саласындағы өзекті мәселелер талқыланды, сонымен қатар Департаменттің функциялары түсіндірілді.

2021 жылдың 15 наурызында Премьер-Министрдің орынбасыры Е.Тоғжановтың қатысуымен  ҚР  БҒМ  кеңейтілген алқа отырысы өтті

2021 жылдың 15 наурызында Премьер-Министрдің орынбасыры Е.Тоғжановтың қатысуымен  ҚР  БҒМ  кеңейтілген алқа отырысы өтті.

               Білім беру жүйесінде білім беруді дамыту және сапаны арттыруға бағытталған жоспарлы да жүйелі өзгерістер жасалуда. Сонымен қатар педагогтердің мәртебесі мен материалдық жағдайын көтеруге ерекше көңіл бөлінуде.

                Өткен жылы «Педагог мәртебесі туралы» Заңға сәйкес мұғалімдердің еңбекақысы  едәуір көтерілді. Олар артық есеп беруден және өз міндеттеріне тән емес жұмыстардан босатылды. 2021 жылы барлық өңірлерде педагогтік әдеп және педогогтердің  құқықтарын қорғау жөніндегі Кеңестер құрылды. «Президенттің тапсырмасына сәйкес 2024 жылға дейін педагогтердің жалақысы екі есеге өседі. Мұғалімдер жұмысқа конкурстік негізде  қабылданатын болды. Бұған қосымша, биылғы жылдан бастап алғаш жұмысқа қабылданатын педагогтік оқу бағдарламалары бойынша оқу  бітірушілер сертификаттаудан өтуге міндетті болады. Яғни, өз үлгісіндегі диплом алған соң олар сертификаттаудан өтуі керек. Педагогтік бағыттарда оқуға түсушілерге де талап күшейтілді, егер бұрын өту балы 50, содан соң 70 болса, биылғы жылы 75 балға дейін көтеріледі»,-деді министр.

                Министрліктің алдында тұрған негізгі міндет – мектепке дейінгі, орта, техникалық және кәсіптік және жоғары білім беру сапасын арттыру.

                Министрлік пен әкімдіктер балаларды мектепке дейінгі білім берумен қамтуды ұлғайту бойынша шараларды жүзеге асыруда. Жеке меншік   балабақшалар желісі «Қаржы баланың артынан барады» ұстанымы бойынша ваучерлік қаржыландыруды енгізу есебінен кеңейтіледі. Бұған қосымша, Мемлекет басшысының тапсырмасы бойынша мектепке дейінгі білім берудің ойын арқылы оқытуға негізделген жаңа үлгісі жасалды.

                Ауыл мен қала оқушылары арасындағы білім сапасының алшақтығын төмендету білім беру жүйесінің алдында тұрған ең өзекті мәселелерінің бірі. Алдыңғы қатарлы оқу орындары ауыл мектептеріне әдістемелік көмек көрсетіп, олармен тәжірибе алмасатын болады.

                Дарынды балаларға  қолдау көрсету жұмысы жалғастырылады. 2020 жылы оқушылар Халықаралық олимпиадаларда 437 медаль жеңіп алды. Республикалық пән олимпиадалары мен Президенттік олимпиаданың жаңа түрін енгізу жоспарлануда. Олимпиадалар прокторинг және трансляцияны қолдана отырып электрондық жүйелер арқылы өткізіледі. Ауыл оқушыларына арналған «Мың бала» ұлттық жобасын жүзеге асыру жалғастырылады.  Сонымен қатар балалардың интеллектуалды және шығармашылық дамуы  үшін мемлекеттік және жеке меншік балаларды дамыту орталықтарында қосымша білім беруге мемлекеттік  тапсырыс орналастырылады.

                2021 жылдан аудандық білім бөлімдерін  басқару және білім беру ұйымдарын қаржыландыру облыс деңгейінде өтеді. Бұл өзгерістер өңірлер арасындағы білім беру сапасының алшақтығын азайтуға және жергілікті деңгейде жеткілікті мөлшерде қаржыландыруды қамтамасыз етуге бағытталған. Сонымен қатар мектеп директорын тағайындау тәртібі де өзгеріп жатыр. Бұл білім беру ұйымдарын басқару сапасын жақсартуға мүмкіншілік береді.

Сәуле Нұраханқызы Қабимолдаева 16 наурызда Алматы облыстық мәслихатындағы “Hur Otan” партиясы депутаттық фракциясының Денсаулық сақтау, білім беру, халықты әлеуметтік қорғау және мәдениет мәселелері жөніндегі тұрақты комиссиясының жұмысына қатысты

Алматы облысының Білім саласында сапаны қамтамасыз ету департаментінің басшысы Сәуле Нұраханқызы Қабимолдаева 16 наурызда Алматы облыстық мәслихатындағы “Hur Otan” партиясы депутаттық фракциясының Денсаулық сақтау, білім беру, халықты әлеуметтік қорғау және мәдениет мәселелері жөніндегі тұрақты комиссиясының жұмысына қатысты. Облыстық білім басқармасы басшысының м.а. Г. Исагулова Қазақстан Республикасында білім беруді және ғылымды дамытудың 2021 жылға арналған мемлекеттік бағдарламасын іске асыру барысы туралы баяндама жасады. Облыстың білім беруді дамытудың мемлекеттік бағдарламасын іске асыру қорытындысы бойынша 3-6 жастағы балаларды мектепке дейінгі тәрбиемен 100% қамту индикаторына қол жеткізілген жоқ. “Күндізгі мемлекеттік мектептердің жалпы санынан үш ауысымда оқытатын мектептердің үлесі” көрсеткіші орындалмаған. Қазіргі уақытта облыста 49 үш ауысымды және 3 апатты мектеп бар. Білім беру саласындағы тағы бір проблема-ПМПК санының жеткіліксіздігі. Бұл проблемаларды шешу үшін жергілікті атқарушы органдар шаралар қабылдауда. Жаңа мектептер салынып жатыр, мектепке дейінгі балалар ұйымдарының желісі кеңеюде. Осы мәселелердің барлығы тұрақты комиссия отырысында талқыланып, ұсыныстар берілді.

ҚР БҒМ 2023 жылдан бастап орта білім беру жүйесіне латын жазуын енгізуді бастауды жоспарлап отыр

       ҚР БҒМ 2023 жылдан бастап орта білім беру жүйесіне латын жазуын енгізуді бастауды жоспарлап отыр. Бұл туралы сала алқасының кеңейтілген отырысында ҚР білім және ғылым министрі Асхат Аймағамбетов хабарлаған болатын. Мектептерде латын әліпбиін енгізу 12 жылдық оқуға кезеңді көшумен қатар жүргізіледі. Мемлекеттік стандарт, оқу бағдарламалары, оқу әдебиетінің мазмұны өзгереді. Бұл жұмыстың аясында математика, тілдер және информатика сияқты пәндерді оқыту бірінші орынға қойылады. Сонымен қатар Дүниежүзі тарихы мен Қазақстан тарихы бойынша бірыңғай оқулықтар жасалады.

Орта білім беру саласында жаңартылған мазмұнға көшу толығымен аяқталды

Орта білім беру саласында жаңартылған мазмұнға көшу толығымен аяқталды. Білім және ғылым министрлігі ауыл мектептерінің білім сапасын арттыру мәселесін шешуді жалғастырады. Министр орта білім беру жүйесіндегі негізгі мәселелердің бірі қала және ауыл мектептерінің арасындағы білім сапасының алшақтығы екенін атап өтті. Бұл мәселені шешудің бір жолы «Оқуға құштар мектеп» жобасын іске қосу болып табылады. Жоба аясында мектеп кітапханаларының мемлекеттік тілдегі көркем әдебиет қорын айтарлықтай жаңарту мәселесі тұр.

Былтырдан бері БҒМ педагогтік мамандықтар бойынша жоғары оқу орнына түсуші үміткерлерге деген талаптарды күшейтті

        Былтырдан бері БҒМ педагогтік мамандықтар бойынша жоғары оқу орнына түсуші үміткерлерге деген талаптарды күшейтті. Егер бұрын болашақ педагогтер үшін ҰБТ-дан алатын бағаның төменгі шегі 50 балл болса, қазір ол 75 баллға көтерілді. Педагогтік мамандықтарға түскендердің орташа бағасы 90 баллға жетті. Қазақстанда педагогтің мамандықтарға түсуші «Алтын белгі» иегерлерінің саны 2 есеге көбейді. Бұл мұғалім мамандығына мықты кадрлардың келуін қамтамасыз етеді. Осы туралы сала алқасының кеңейтілген отырысында ҚР білім және ғылым министрі Асхат Аймағамбетов хабарлаған болатын.

        Бұған қосымша болашақ педагогтердің шәкірт ақылары 42 мың теңгеге дейін өсті.

        «2021 жылдан бастап педагогтік мамандықтар бойынша жұмысқа тұру үшін үміткерлер кәсіби шеберлік бойынша сертификаттаудан өту керек, яғни дипломға қосымша біліктілік тағайындалатын болады»,-деді министр. Бұл шаралар педагог мамандығына деген қызығушылықты арттырып, кадрлардың кәсіби деңгейін көтеруге мүмкіншілік береді.

Панфилов ауданы прокуратурасының педагогтардың мамандықтарының оқытылатын пәндерге сәйкес келмеуіне байланысты “Заңдылықтың бұзылуын жою туралы” ұсынысын қарады

Алматы облысының Білім саласындағы сапаны қамтамасыз ету департаменті Панфилов ауданы прокуратурасының педагогтардың мамандықтарының оқытылатын пәндерге сәйкес келмеуіне байланысты “Заңдылықтың бұзылуын жою туралы” ұсынысын қарады.

Қарау нәтижелері бойынша Панфилов ауданының 14 жалпы білім беретін мектебінің директорлары ҚР “Әкімшілік бұзушылықтар туралы” Кодексінің 409-бабының 4-бөлігі 1-тармағы (Білім беру ұйымдары қызметінің үлгілік қағидаларын сақтамау) бойынша әкімшілік жауапкершілікке тартылды.

МЕМЛЕКЕТТІК ГРАНТТЫ ИГЕРУГЕ ИКЕМДІ ТӘСІЛ ҚОЛДАНЫЛАДЫ

 ҚР “Білім туралы” Заңына 2016 жылы өзгерістер енгізілді, осыған сәйкес грант алушылар өз мамандығы бойынша мемлекеттік ұйымдарда кемінде үш жыл жұмыс істеуге тиіс болды. 2017-2018 оқу жылынан бастап жоғары оқу орындарына мемлекеттік тапсырыс есебінен түскен барлық студенттерге осы норма қолданылады.

2021 жылдың басында грантты өтеуге қатысты заң талаптары жеңілдетілді. Енді жоғары оқу орнында грант арқылы білім алған түлектер грантты мамандық бойынша бұрынғыдай тек мемлекеттік ұйымдарда ғана емес, жекеменшік мекемелерде де өтей алады. Сонымен қатар жұмыспен өтеу мерзімі грант бойынша барлық 4 жыл көлемінде емес, тек белгілі бір уақыт аралығында ғана оқығандардардың пайдасына қарай қайта қаралды. Түлектер меншік нысанына қарамастан кез келген ұйымда және мемлекеттік тапсырыс бойынша тегін оқыған жыл көлеміне сәйкес грантты жұмыспен өтей алады