Үш ауысымды оқыту бойынша мониторинг (2020 жыл қараша)

Үш ауысымды оқыту бойынша мониторинг (2020 жыл қараша).

Алматы облысының 48 мектебінде оқыту үш ауысымда жүргізіледі, оның ішінде:

Еңбекшіқазақ ауданында -4

Жамбыл ауданында -8

Іле ауданында -19

Қарасай ауданында -12

Талғар ауданында -4

Ұйғыр ауданында -1.

Ұйғыр ауданы Шонжы ауылындағы үш ауысымда №1 орта мектептен басқа үш ауысымды мектептер Алматы қаласына жақын орналасқан аудандарда (Іле, Жамбыл, Қарасай, Еңбекшіқазақ, Талғар аудандары). Аталған аудандарда халықтың көп шоғырлануына байланысты, үш ауысымдылық жағдайы сақталуда. Үш ауысымдылықты болдырмау мақсатында жергілікті атқарушы органдар тарапынан нақты шаралар қолданылуда, оның ішінде, 17 жаңа мектептің құрылысы жүргізілуде.

Департамент тарапынан жүргізілген мониторинг қорытындысы бойынша облыстың 35 мектебінде үш ауысымдылықты болдырмау мақсатында жүргізіліп жатқан жұмыстарда кемшіліктер анықталып, осы жағдай бойынша облыс әкіміне хат жолданды.

Ағымдағы жылдың 14 наурызынан Алматы облысының 3 ЖОО-да және 68 колледжінде қашықтықтан оқытудың қолжетімділігі бойынша мониторинг жүргізілді

Ағымдағы жылдың 14 наурызынан Алматы облысының 3 ЖОО-да және 68 колледжінде қашықтықтан оқытудың қолжетімділігі бойынша мониторинг жүргізілді.  Жекелеген колледждерде білім беру платформаларына қолжетімділіктің, қашықытықтан оқыту бойынша практикалық жұмыстың жоқтығы, интернет жылдамдығының төмендігі мәселелері анықталды. Аталған мәселелер уақытында шешімін тапты. Колледждерге жұмысты күшейту бойынша ұсынымдар жіберіліп, қажетті көмек көрсетілді.